Arbeitsblatt: Sonntagsausflug

De Sonntigsusflog DMuetter hed zom Vater gseid: „Höt chönted mer en Usflog mache. Do meint de Hansli: „Mer passt das ned. Ond de Fido fod schwänzle. Em Fido hed das au ned passt ond är hed gseid „Das esch gar ned loschtig, wenn ech so omspringe moss. Do seid de Vater: „Muetter tue de Rocksack packe. Wo alli zwäg gsi send, sends zom Bahnhof abegange. Am Bahnhof hends de Bahnhofvorstand troffe ond dä hed gseid: „Ech ha höt au frei. Wo de Bahnhofvorstand natürlech sis Wörschli use gno hed, hed de Fido afo schwänzle. De Bahnhofvorstand hed zom Vater gseid: „Gosch go Billet löse, mer gönd of de Säntis ue. Es send alli iverstande gsi. Denn esch ändlech de Zog cho. Denn hend alli welle ischtige, nome metem Fido hends Müeh gha. Do seid de Vater zom Hansli: „Nimm de Fido d Leine! Aber de Fido hed ned welle. Do seid de Vater zo de Muetter: „Chomm ech nemm de Fido of dSchoss. Aber de Fido esch defo grennt. Do seid Muetter zom Vater: „Geb mer de Fido. Aber de Fido hed emmer no ned welle. Do seid de Bahnhofvorstand: „Chomm ech nemm de Fido. De Fido esch tatsächlich zom Bahnhofvorstand gange. De send alli froh gsi, dass ändlich de Fido Zog ine gange esch. Si send denn of de Bärg ufe ond händ de Rocksack ufgmacht. Do hed de Vater gmerkt, dass Muetter hed vergässe zTrenke zpacke. Do esch de Hansli verrockt worde, well nor de Fido ztrenke gha hed. De Fido esch der einzig gsi, wo usem Bärgbach hed chönne trenke. Do meint de Bahnhofvorstand: „Was de Fido cha, chönd mer au. Nochhär hend alli zom Bach us tronke. Denn sends langsam weder uf de Heiwäg. De Fido esch vorusgschpronge, de Vater hed pfeffe, denn esch de Fido retour cho. Wo de Zog cho esch, hed de Fido weder ned welle iistiege. Do hed de Bahnhofvorstand de Fido welle uf de Schoss näh. Aber damol hed de Fido ned welle. Nochhär send alli doch ändlich im Zog inne gsi. Do seid Muetter zom Vater: „Gäll das esch weder emol en schöne Sonntig gsi. Ond mer send alli weder glöcklech heicho. Ond de Fido hed vor Freud grad nomol gschwänzlet. Mutter 13x Vater 16x Hansli 10x Fido 29x Bahnhofvorstand 14x