Arbeitsblatt: Utschals

4 Utschals Legia bein atras il text rispunda silsuenter allas damondas! Bia success! Tut ils utschals ein vertebraus. (Wirbeltiere) Quei munta chei possedan ina spina dorsala. (Wirbelsäule) Dapi entgins onns san ins che tut las differentas sorts utschals derivan dils dinosaurs. Probablamein fuvan era entgins dinosaurs cuvretgs cun plemas. Igl emprem utschi fuva igl Archaeopteryx. Quei utschi viveva avon 150 milliuns onns. El saveva aunc buca sgular fetg bein, pia il cuntrari dils utschals dad ozildi. Tut ils utschals han plemas. Quei munta denton buc che tut ils utschals sappien sgular. Ei dat era utschals chein buca capavels da sgular, sco per exempel il pinguin ed il strut. Auters utschals perencunter passentan quasi lur entira veta ellaria Il randurel pign (Mauersegler) ed igl Albatros vegnan mo sin tiara per cuar ora lur ovs. Ils utschals ein sadattai al different spazi da viver. Utschals dat ei dapertut sin quest mund. Lur plemas consistan sco nossas unglas ord in material semegliont al tgiern. Las alas dils utschals ei nuot auter che mauns detta 4 chein transformai. Enstagl dina bucca cun dents possedan tut ils utschals in bec. Inauter tratg communabel ei che tut ils utschals mettan ovs. Ils ignivs san veser ora fetg different. Enqual specia dutschals construeschan ignivs artistics, auters mettan lur ovs semplamein giun plaun denter la crappa. Ils pli numerus utschals cuan denton ora lur ovs sillas tschemas dallas plontas, bein schurmegiai encunter inimitgs, auters en taunas ni semplamein silla tiara. Enqual utschals sco p.ex. il sturnel, il tuorsch, la hirundella ed il randurel pign, ein utschals migronts. Buca tut ils utschals sgolan encunter il sid. Enqualins sgolan era encunter igl ost tochen ellIndia, auters encunter lEngheltiara. Cuviera giu il text rispunda allas damondas: Numna 5 sorts utschals che vegnan avon en quei text! Tgei ei caracteristic tier tut ils utschals? Numna silmeins tschun segns caracteristics! (Merkmale) 4 Cun tgei famiglia danimals chei morta ora ein els parentai?