Arbeitsblatt: Auftrag für Strafstunden

Material-Details

Schweizerdeutsche Lieder müssen in die Schriftsprache übersetzt werden.
Administration / Methodik
Hilfen
klassenübergreifend
4 Seiten

Statistik

175977
548
3
08.11.2017

Autor/in

melmac (Spitzname)
Land: Schweiz
Registriert vor 2006

Downloads Arbeitsblätter / Lösungen / Zusatzmaterial

Die Download-Funktion steht nur registrierten, eingeloggten Benutzern/Benutzerinnen zur Verfügung.

Textauszüge aus dem Inhalt:

SI HEI DR WILHÄLM TÄLL UFGFÜERT SONGTEXT si hei dr willhelm täll ufgfüehrt im leuje znottiswil da bruchts viel volk, gwüss zhalbe dorf, hett mitgmacht däm schpil, die andri helfti isch im saal gsy, bime grosse bier, als publikum, het zuegluegt und isch gschpannt gsy, was passier. am aafang isch es schön gsy, do het als schtouffacherin, dfrou pfarrer mit dem schnyder gret, wort vo tiefem sinn, und als isch grüert gsy, sy het dasmal nid gseit, schleid sig ztüür, und är het guet ufpasst das är der fade nid verlüür. uf zmal, churz vor em öpfelschuss, der lehrer chunnt als täll, sy sohn, dä frogtne dis und äis, do rüeft der einde schnäll, wo undrem huet als wach isch gschtande, so dass jede ghört, wiso fragt dä so dumm, het dä ird schuel denn nüt rächts gleert. fründ vom täll, maa us altdorf, zwickt em eis uf muul, und dise wo der huet bewacht, git ume, gar nid fuul, und schtoost ihm mit syr helebarde ine zmitts in buuch, da chunnt scho svolk vo uri zchpringe, donner jetzt geits ruuch. die einte, die vo öschterrich, die näh für dwach partei, die andre, die vo altdorf, für ä täll, ei schlegerei, mit helebarde, kartonschwärt, kulisse, schlöi sy dry, dr täll ligt undrem gessler scho, da mischt der saal sich y. jetz chöme gläser zflüge, jede schtillt sy gheimi wuet, es chrose disch bänk und bier vermischtich mit em bluet. der wirt rouft sich sys haar, dfrou schinet brochni glider y, zwo schtund lang het das duuret, do isch öschtrich gschlage gsy. si hei der willhelm täll ufgfüehrt im löie znottiswil und gwüss no niene in naturalistischerem schtyl, dversicherig het zahlt hingäge eis weiss ig sithär, sy würde dfreiheit gwinne, wenn sy dä wäg zgwinne wär, sy würde dfreiheit gwinne, wenn sy dä wäg zgwinne wär. DS ZÜNDHÖLZLI SONGTEXT han es Zündhölzli azündt Und das het Flamme gäh Und ha für dZigarette Welle Füür vom Hölzli näh Aber ds Hölzli isch dervo Gspickt und uf Teppich cho Und es hätt no fasch es Loch Teppich gäh dervo Ja me weis was cha passiere We me nid ufpasst mit Füür Und für dGluet ar Zigarette Isch Teppich doch de ztüür Und vom Teppich hätt Grus Chönne ds Füür is ganze Hus Und wär weis, was da nid alles no wär worde drus Shätt Brand gäh im Quartier Und shätti dFüürwehr müesse cho Hättid ghornet de Strasse Und dr Schluuch vom Wage gno Und sie hätte Wasser gsprützt Und das hätt de glych nüt gnützt Und die ganzi Stadt hätt brönnt, es hätt se nüt meh gschützt Und dLüt wären umegsprunge dr Angscht um Hab und Guet Hätte gmeint sheig eine Füür gleit Hätte ds Sturmgwehr gno ir Wuet Alls hätt brüelet: Wär isch tschuld? Ds ganze Land eim Tumult Dass me gschosse hätt uf dBundesrät am Rednerpult DUNO hätt interveniert Und dUNOGägner sofort Für ir Schwyz dr Fride zrette Wäred beid mit Panzer cho Shätt sech usdehnt nadisna Uf Europa, Afrika Shätt Wältchrieg gäh und dMönschheit wär jitz nümme da han es Zündhölzli azündt Und das het Flamme gäh Und ha für dZigarette Welle Füür vom Hölzli näh Aber ds Hölzli isch dervo Gspickt und uf de Teppich cho Gottseidank dass i vom Teppich wider furt ha gno DR ESKIMO SONGTEXT kennet ier das gschichtli scho vo däm armä eskimo wo in grönnland einisch so trurig isch um läbä cho. är het dank am radio fröid ar musig übercho und het dänkt das chani so isch är iz unglück cho. nämlich är hetsech für zwo, fläschä läbertran es no, guet erhaltnigs djembalo kchouft und hets id höli gno. doch wonär fortissimo, gschpilt het uf sim djembalo, isch en isbär inecho, hetnä zwüschä chralle gno, und dier gseht moral dervo, choufet nie es djembalo süsch geits öich grad äbäso wie dem armä eskimo, wo in grönland einisch so trurig isch um läbä chooooo DR SIDI ABDEL ASSAR VO EL HAMA SONGTEXT dr sidi abdel assar vo el hama het mal am morge früe no im pijama ir strass vor dr moschee zwöi schöni ouge gseh das isch dr afang worde vo sim drama isch tochter gsy vom mohamed mustafa dr abdel assar het nümm chönne schlafa bis är bim mohamed um hand aghalte hed und gseit: biete hundertfüfzig schaf dr mohamed het gantwortet: bi allah es fröit mi, dass my tochter dir het gfalla doch wärt isch si, my seel zwöhundertzwänzg kamel und drunder chan dir sen uf ke fall la da het dr abdel assar gseit: sidi uf sone tüüre handel gang nid isch furt, het gly druf scho billigeri gno wo nid so schön isch gsy, drfür gschydi doch wenn es nacht wird über der sahara luegt är dr mond am himel häll und klar und truuret hie und da de schönen ouge na und dänkt: hätt doch früecher afa spara