Arbeitsblatt: Quint in scrit fin 1 milliun

La circulaziun dal sang Nos sang es ün mez da transport chi pissera cha nos corp haja nudritüra, oxigen, vitamins, anticorps, chod eop. Nossintera circulaziun dal sang ha üna lunghezza da 10000 km!! Üna persuna creschüda ha ca. 5-6 liters sang. Ün uffant chi paisa 45 kg ha ca. 3 fin 3.5 liters. Il sang vegn pumpà dal cour illa circulaziun dal sang. Il cour nu cugnuoscha ingünas vacanzas. El ha circa la grondezza da teis puogn. Pro üna persuna creschüda vegn transportà pro mincha battacour 70 ml sang illa circulaziun. 1. a) Masüra teis puls! Quantas battüdas fa teis cour in 1 minuta? Ruduonda sün desch precis! b) Fa oura quantas jadas cha teis cour batta in ün di in üneivna 2. Il stadi da pos batta il cour dad üna persuna creschüda ca. 70 jadas la minuta. Quant sang transporta il cour a) in 1 minuta? b) in 1 ura? c) in 1 di? 3. Ün cour dad üna persuna bain trenada transporta cun mincha battüda 100 ml sang illas avainas. Perquai sto el batter plü pac il stadi da pos. a) Quants liters sun quai in 1 di cun 50 battüdas la minuta? b) Pro ün grond sforz corporal po il cour pumpar fin 30 liters sang la minuta. Quant es quai pro üna cuorsa da 5000 chi düra 13 minuts? c) Quant es quai prol maraton da 42 km chi düra pro buns sportists 2 uras? 4. Ün uffant da 12 ons tira il flà cun far la posa ca. 15 jadas la minuta. Pro mincha trar il flà vegnan transportats 30 cl aria aint ils pulmuns. a) Quants liters aria sun quai in 1 minut in 1 ura in 1 di? b) Masüra pro tai il trar il flà! Fa il listess sco pro a)! 5. Fa oura per 1 on: Quantas jadas batta il cour? Quant sang transporta teis cour? Quant aria tirast tü aint?